Las decisiuns curt e cumpact:
- Ils viadis dal Bernina Express e dal Glacier Express vegnan stritgads a partir dals 14 da mars
- Nagins viadis da gruppa e nagins viadis istorics
- Nagins vaguns-restaurant e nagins vaguns cun catering
Sco la Viafier retica scriva, valan questas mesiras enfin ils 26 d'avrigl 2020. Ils transports da rauba na sajan betg pertutgads da las mesiras.
Per restrenscher la derasaziun dal coronavirus ha l'Uffizi federal da sanadad relaschà tranter auter er mesiras per il traffic public en Svizra.
