Ellas vegnan cun il proporz dubel dentant maschadadas da nov. La Partida socialdemocratica e la Partida populara vegnan a profitar dal proporz dubel, naturalmain be sch’ellas pon er en tut ils cirquits chattar avunda persunas ch’èn prontas da candidar.
Ils burgaisdemocrats ed ils cristiandemocrats han dacurt fusiunà tar l’Allianza dal center e cunquai er creà bunas premissas per pudair far exact quai, l’allianza ha uss ina buna represchentaziun en tut las regiuns e vegn uschia forsa betg gist da gudagnar novs sez. Ella na vegn dentant segir betg a perder uschè bler sco las duas partidas avessan spers senza fusiunar.
Per ils liberaldemocrats vegnan las elecziuns dentant ad esser ina dira nusch - els ston cumbatter en bleras regiuns cun la PPS e qua vegn interessant da guardar tge che vala al suveran dapli - eleger ina testa enconuschenta ubain eleger l’ideologia da la partida.
Clau Dermont
Politolog
