Siglir tar il cuntegn

Header

audio
Per tge vai tar l'iniziativa per ina chatscha etica?
Or da Actualitad dals 17.05.2021.
laschar ir. Durada: 02:35 minutas.
cuntegn

Per tge vai? Iniziativa per ina chatscha etica che sa cumporta cun la natira

Gia daditg èn las pretensiuns dals iniziants tema en il Grischun: Il 2016 ha il Cussegl grond tractà per l'emprima giada l'iniziativa e suenter pliras decisiuns giuridicas, vegn ella uss a l'urna ils 13 da zecladur.

Il coc da l'iniziativa è da schlargiar la protecziun dals animals-mamma e dals animals giuvens, da prolungar il temp da schanetg per ils animals selvadis sco era d'abolir la chatscha d'utschels e la chatscha speziala. L'iniziativa dal 2014 pretenda total 9 puncts.

Intginas da las pretensiuns èn gia vegnids realisadas u per part realisadas cun la revisiun da la lescha da chatscha dal Grischun.

Pretensiuns gia realisadas

Avrir la boxSerrar la box

Cun reveder la lescha da chatscha il 2016, ha il Grischun gia realisà intginas da las pretensiuns da l'iniziativa:

  • Il scumond da metter traplas e da metter estga, cun excepziun entras la surveglianza da chatscha.
  • Igl è da far l'obligatoric da tir per la chatscha ed igl è da cuntanscher ina tscherta prestaziun per pudair ir a chatscha.
  • Ins po duvrar be pli muniziun senza plum. Il termin per duvrar si tala muniziun cun plum scada la fin da quest onn.

La regenza grischuna ed il Cussegl grond recumondan da refusar l'iniziativa, ch'è vegnida lantschada da protecturs d'animals, cun la pli enconuschenta fatscha da Marion Theus.

La gronda maioritad da las partidas grischunas recumondan da dir Na a l'iniziativa. Ils Verds han laschà liber co vuschar.

La lunga istorgia da l'iniziativa

L'iniziativa per ina chatscha etica che sa cumporta cun la natira è vegnida inoltrada gia il 2014. L'onn 2016 ha il Cussegl grond lura declerà l'iniziativa sco per part nunvalaivla. La Dretgira administrativa dal Grischun ha decis il 2018 che dus ulteriurs punct èn valaivels e la finala èsi stà cler cun ina decisiun dal Tribunal federal a Losanna: Tut ils puncts da l'iniziativa èn valaivels e ston vegnir a l'urna.

Survista da l'istorgia da la chatscha etica
Legenda: RTR grafica

Dossier online

Avrir la boxSerrar la box
Dossier online

Sin in clic tut las fatschentas federalas, chantunalas e communalas: rtr.ch/votaziuns

RTR votaziuns 2021

Artitgels legids il pli savens

Scrollar a sanestra Scrollar a dretga