La regenza grischuna ha decis ch'il suveran grischun po decider davart trais fatschentas:
- Midar la Constituziun chantunala per introducir in nov sistem electoral per il Cussegl grond
- L'iniziativa per ina chatscha etica che sa cumporta cun la natira
- Abolir la lescha davart contribuziuns da maternitad.
Era l'entira Svizra è clamada a l'urna: Tschintg projects federals vegnan suttamess a la votaziun dal pievel:
- Iniziativa «Per aua da baiver netta e vivonda sauna»
- Iniziativa «Per ina Svizra senza pesticids sintetics»
- Lescha federala davart las basas legalas en connex cun Covid-19
- Lescha federala davart la reducziun da las emissiuns da gas cun effect da serra (lescha da CO2)
- Lescha federala davart las mesiras polizialas per cumbatter il terrorissem.