Ils blers giasts ch'èn cun l'auto en Engiadina chargian lur vehichel sin il tren e van tras il tunnel dal Vereina per arrivar puspè a chasa – e quai po manar a temps da spetga. Passa 4'000 autos van ils dis da grond traffic tras il Vereina. Aifer 18 minutas vegnan els transportads ils 19 kilometers tras la muntogna da Sagliains a Selfranga.
Las emprimas uras dal di al Vereina
-
Bild 1 von 16. Gia la damaun marvegl spetgan ils autos per chargiar sin il tren. Bildquelle: RTR.
-
Bild 2 von 16. Simon Rohner coordinescha ils autos per chargiar il tren. Bildquelle: RTR.
-
Bild 3 von 16. I gira. Bildquelle: RTR.
-
Bild 4 von 16. Ils autos chargian il tren per passar il tunnel da 19 kilometers. Bildquelle: RTR.
-
Bild 5 von 16. E gia èn ils emprims trens plains. Bildquelle: RTR.
-
Bild 6 von 16. Tranteren è Simon Rohner en la centrala da surveglianza. Bildquelle: RTR.
-
Bild 7 von 16. Sin las cameras da surveglianza vesa el las colonnas. Bildquelle: RTR.
-
Bild 8 von 16. I vegn plaunet cler. Bildquelle: RTR.
-
Bild 9 von 16. Las 07:45 – uss partan trais trens dad autos l'ura. Bildquelle: RTR.
-
Bild 10 von 16. Il locomotivist Renato Cabernard maina oz il tren tras il Vereina. Bildquelle: RTR.
-
Bild 11 von 16. Ils autos che vegnan da Selfranga ston stgargiar, avant ch'ils proxims autos pon vegnir chargiads. Bildquelle: RTR.
-
Bild 12 von 16. Lino Coutinho è pront per «bigar» il tren, sco ch'els numnan quai. Bildquelle: RTR.
-
Bild 13 von 16. Lino Coutinho guarda ch'ils autos parcan stretg per che blers autos hajan plazza. Bildquelle: RTR.
-
Bild 14 von 16. Ils camiuns dovran pli lung temp per chargiar – quai po manar a retards. Bildquelle: RTR.
-
Bild 15 von 16. La cassiera Mengia Marugg Bösch è dapi l'avertura dal Vereina dal 1999 da la partida. Bildquelle: RTR.
-
Bild 16 von 16. Bildquelle: RTR.
Il di da lavur ha cumenzà gia las 05:00 la damaun per Simon Rohner. El è quel che coordinescha l’entir travasch da transport sin ils binaris. L'enviern parta l'emprim transport d'autos davent da Sagliains las 05:50 ed a partir da là va mintga 30 minutas in tren. La saira davent da las 21:20 partan lura anc fin las 00:20 trens en tact dad in'ura.
Oz faschain quint ch'i gira magari bler. Cunzunt la bun'ura avain bler traffic da Livigno, l'avantmezdi vegnan lura tut ils Svizzers ed auters, il suentermezdi vegni lura pli quiet.
Pir vegnir il suentermezdi è l'enviern adina in bun tip per turnar.
Cun la gronda truscha quinta Simon Rohner l'avantmezdi. Davent da las 14:00 spetga el lura ch'i vegnia pli quiet. Perquai saja durant l'enviern adina in bun tip da turnar pir il suentermezdi ord l'Engiadina, lura saja meglier cun il traffic. Auter saja quai dentant per arrivar en Engiadina; a Selfranga saja savens anc bler traffic fin enturn las 18:00.
Qua vai tar la situaziun actuala da las vias e dal traffic.
Or da l'archiv: