Il venderdi ha il Plantahof premià a Landquart chaschiel d'alp da 74 chascharias. Las signunas ed ils signuns han dastgà suttametter in magnuc da la segunda mesadad dal fanadur ad ina giuria.
Ils experts e las expertas valiteschan la qualitad dal chaschiel d'alp sco fitg buna. La victura dal di è la chascharia Ortasee da Jenins. 11 ulteriuras signunas e signuns cuntanschan er la categoria d'aur.
Il Plantahof scriva che quai saja be ina impressiun dal mument, e la qualitad possia sa midar cun la madiraziun. La giuria or da represchentants da consumentas e consuments e chascharias giuditgescha tenor gust, consistenza e conservabladad.