Era l'onn passà n'era l'avust betg in bun mais da bulieus. Percunter eran las racoltas en l'october fitg bunas. Elvira Zogg è gia 25 onns controlladra da bulieus tar la polizia da la citad da Cuira. Per ella è mintga stagiun da bulieus autra ed adina fitg interessanta.
Actualmain manegia ella ch'i dat insaquants bulieus anc sin las costas dal nord nua ch'igl ha avunda sumbriva. Uschiglio dovria ussa puspè plievgia per ch'ils bulieus creschan.
Bulieus en la regiun da Cuira
-
Bild 1 von 3. Chastagnins. Bildquelle: RTR.
-
Bild 2 von 3. Bulieu-diavel. Bildquelle: RTR.
-
Bild 3 von 3. Chastagnin en il guaud. Bildquelle: RTR.
Sper la chalira han ils bulieus anc in auter inimi: il favugn. Tras quel sa midan ils bulieus en lur furma, colur, consistenza u era structura. Tut quai è lura era ina sfida per ils rimnaders e las rimnadras da bulieus perquai ch'i n'è betg pli uschè simpel d'inditgar da tge bulieu ch'i sa tracta.
Mintgatant stoss era jau guardar duas giadas per esser segira, sche quai è propi in chastagnin.
Ozendi datti per rimnaders e rimnadras da bulieus era agid digital. Diversas applicaziuns pretendan da pudair inditgar il bulieu a maun d'ina fotografia. Da questas applicaziuns scusseglia l'experta dentant. Memia savens ha ella gia stuì constatar ch'ils resultats da las differentas applicaziuns n'èn betg stadas correctas.
Ina faussa identificaziun d'in bulieu po avair grevas consequenzas per la sanadad.
Laschar la detta da quellas applicaziuns!
Per esser 100% segira sch'ils bulieus rimnads èn mangiabels èsi il meglier da far la visita sin in post da controlla.
Ulteriuras infurmaziuns da las controllas da bulieus
Or da l'archiv