Legenda:
Urs Niederegger (en il center) retschaiva la patenta da chatscha 2026 da la moderatura Natalia Weber e Simon Morscher da la GKB.
RTR
cuntegn
«La Preda» - Urs Niederegger da La Punt Chamues-ch gudogna la patenta
Mintga di da chatscha han audituras ed auditurs pudì annunziar ina preda ad RTR. Venderdi, ils 3 d'october, ha il guardiaselvaschina Armando Janett tratg la sort en il studio da Radio RTR.
Il premi, la patenta da chatscha per l'onn 2026, va ad Urs Niederegger da La Punt Chamues-ch. Cordiala gratulaziun!
Urs Niederegger n'aveva gnanc fatg quint da gudagnar la patenta da chatscha per l’onn 2026 cun sia fotografia. Ma, la vulp che sia sora Verena Barandun ha annunzià sco preda tar RTR ha purtà fortuna. Urs Niederegger di da sasez ch’el saja in «Glückspilz», in utschè ventiraivel ed ha plaschair da pudair ir a chatscha l'onn proxim.
Legenda:
Armando Janett e Natalia Weber tiran la sort per la preda 2025.
rtr
Dretgs da fotos – la preda 2025
Avrir la boxSerrar la box
Cun trametter fotografias ad RTR essas Vus d’accord che las datas da persunas vegnan duvradas en connex cun la chatscha 2025. Dapli infurmaziuns chattais Vus sut https://www.rtr.ch/dretgs.
RTR resalva il dretg da betg publitgar fotografias che n'èn betg degnas a la chatscha ubain a l'animal.
