En il Grischun èsi vegnì construì dapli l’onn passà. Cumpareglià cun l’onn avant saja l’activitad da construcziun s’augmentada per bun 4%, sin bunamain ina milliarda francs. Suenter las sbittadas en connex cun la pandemia da corona sa chattia la construcziun sin in nivel solid en media da plirs onns. Quai ha communitgà la Societad grischuna dals impressaris constructurs. Las entradas d’incumbensas sajan s’augmentadas per 2,5% sin bun ina milliarda francs– suenter ch’ellas èn sa reducidas marcantamain il 2022. La reducziun saja per gronda part d'attribuir al boom da bajegiar suenter la pandemia, cura che blers hajan cumpensà per quai ch'els na hajan betg pudì far avant.
En tut lavuravan la fin da l'onn 2023 4'761 persunas en il sectur da construcziun. Quai sajan 160 pli pauc ch'il 2021. Radund in terz dals lavurers vegnan da la Svizra, radund 850 èn be qua per in curt temp, e passa 2'000 èn da l'exteriur.
