En il Grischun èn 657 persunas stadas senza lavur l'avust. Quai en quasi medem bleras sco il fanadur (685). La quota da dischoccupaziun resta uschia tar 0,6%. Quai ha communitgà l'Uffizi per industria, mastergn e lavur dal Grischun. Il dumber bass da dischoccupads e dischoccupadas haja d'ina vart motivs economics, ma er stagiunals. Pervi dal turissem ed il sectur da construcziun è la quota da dischoccupaziun mintg'onn la pli bassa en il fanadur ed avust.
Dapli dischoccupads en Svizra
En l’entira Svizra è il dumber da dischoccupads s'auzà levamain sin 89'881 persunas. In plus da 0,1% sin 2% dischoccupaziun. L'avust han 56 manaschis survegnì indemnisaziuns per lavur reducida en il Grischun. Cumpareglià cun il mais avant è quest dumber s'augmentà minimalmain.
audio
Per tadlar: las novitads da las 10:00
ord RTR Audio dals 07.09.2023.
laschar ir. Durada: 2 minutas 33 Secundas.
