-
Bild 1 von 5Legenda: En il Grischun èn 685 persunas stadas senza lavur il fanadur. Da quellas persunas èn stadas 283 dunnas e 402 umens. Keystone -
Bild 2 von 5Legenda: La pli auta cifra da dischoccupaziun ha registrà l'hotellaria cun 147 persunas dischoccupadas. Keystone
-
Bild 3 von 5Legenda: En ils fatgs da sanadad ed ils fatgs socials èn 73 persunas senza lavur. Keystone
-
Bild 4 von 5Legenda: Il commerzi en detagl quinta 60 persunas dischoccupadas. Keystone
-
Bild 5 von 5Legenda: E l'industria da construcziun dumbra 50 persunas senza lavur. Keystone
En il Grischun èn en tu 685 persunas stadas senza lavur il fanadur. Quai sajan 82 pli paucas ch’anc il zercladur. La raschun saja l’augment d’occupaziun durant la stagiun da stad en la gastronomia. La quota da dischoccupaziun croda uschia da 0,7% sin 0,6%.
En l’entira Svizra è il dumber da dischoccupads percunter s’augmentà sin bunamain 88'000. Quai correspunda ad ina quota da dischoccupaziun dad 1,9%.
L'Uffizi per industria, mastergn e lavur dal Grischun di ch'ina pitschna cumpart d'interpresas sto dumandar per lavur curta. Quai na pertutgia dentant betg il mais zercladur en spezial, mabain las interpresas dumondian per ulteriuras indemnisaziuns dals onns 2020 e 2021. Il dumber d'indemnisaziuns da lavur curta è creschì fermamain sin 52 interpresas, cumpareglià cun 27 il mais passà.