Siglir tar il cuntegn

Header

cuntegn

Cifras december 2023 La dischoccupaziun grischuna è restada stabila

En il Grischun èn 1’276 persunas stadas senza lavur il december. La quota da dischoccupaziun muntia a 1,2%. Quai communitgescha l'Uffizi per industria, mastergn e lavur dal Grischun. En cumparegliaziun cun il mais november, cun 1’248 persunas dischoccupadas – è il dumber creschì per 28 persunas.

La raschun per la differenza minimala è tenor l’uffizi chantunal, la fin da la stagiun da construcziun ed il cumenzament da la stagiun d’enviern en il turissem.

Da las 1’276 persunas senza lavur èn circa in quart dunnas, e trais quarts umens. Cleramain la pli auta dischoccupaziun aveva il december la branscha da construcziun, cun 468 persunas dischoccupadas.

Pli auta quota en Svizra

En l’entira Svizra è il dumber da las persunas dischoccupadas s’augmentà il december da 98’011 sin 106’859. Quai correspunda ad ina quota da dischoccupaziun da 2,3%, tenor il Secretariat dal stadi per economia Seco. Il november era la quota anc tar 2,1%.

audio
Per tadlar: Las novitads da las 9
ord RTR Audio dals 09.01.2024.
laschar ir. Durada: 2 minutas 22 Secundas.

RTR novitads 08:00

Artitgels legids il pli savens