Siglir tar il cuntegn

Header

Transporter brischà en il tunnel dal Gotschna
Legenda: Polizia chantunala
cuntegn

Claustra Tunnel dal Gotschna è puspè avert

Il tunnel dal Gotschna ch'è stà serrà pervia d'in incendi è puspè avert.

Suenter ch'ins haja inspectà ils donns e fatg reparaturas ha il traffic puspè pudì circular la dumengia bun'ura tras il tunnel dal Gotschna. Uschia communitgescha l'Uffizi federal da vias ASTRA. Tenor l'uffizi saja dentant necessari da far ulteriuras lavurs, quellas possian cuzzar sis enfin otg emnas.

La gievgia avantmezdi aveva in transporter d’animals piglià fieu en il tunnel tranter Claustra e Tavau. La manischunza aveva pudì evacuar ensemen cun ses dus comanischunzs ils trais chavals transportads, uschia la Polizia chantunala. Ils pumpiers da Claustra e Partenz Central han pudì stizzar l’incendi cun agid dals pumpiers da Tavau.

RTR novitads 17:00

Artitgels legids il pli savens

Scrollar a sanestra Scrollar a dretga