Fitg blers medicaments sajan anc buns plirs onns sur la data da scadenza di l'apotecra Monika Fehr. I dependia dentant adina da la galenica – pia tge furma ch'il medicament haja.
Tablettas stgimantas e pulvra per dissolver na sajan betg buns uschè ditg sur la data. Tablettas sajan dentant nunditg stabilas, declera l'apotecra Monika Fehr. Quellas as possia senz'auter era prender anc trais onns sur la data da scadenza. Sch'il medicament saja gia scrudà plirs onns cussegliass l'apotecra da sclerir en l'apoteca sche la substanza activa en il medicament saja stabila u betg.
Ina da las excepziuns saja l’aspirin; quel na possia ins betg tegnair uschè ditg sco auters medicaments, perquai che la substanza activa vegnia schletta cun il temp.
