La Scola auta spezialisada dal Grischun collavura en l'avegnir pli stretg cun l'universitad d’Innsbruck. Ils recturs han perquai suttascrit ina cunvegna latiers. En il center stattan la cooperaziun ed il barat da know-how tar il studi e la perscrutaziun. Surtut stettia il svilup dal spazi alpin en il focus, hai num en ina communicaziun communabla.
A l'entschatta vai surtut per collavurar en ils secturs da construcziun ed infrastructura, turissem u tar il management da l'infurmaziun e la scienza da datas. Questa collavuraziun internaziunala gida da schliar las sfidas socialas en il territori alpin, uschia la scol'auta grischuna.
