Il territori da skis Confin sin il San Bernardino ha suenter 10 onns puspè avert – quai scriva l'agentura da novitads Keystone-SDA. A partir dals 27 da december sajan, ina cabina, ina sutgera ed in runal puspè en funcziun. A partir da l'onn proxim duain dus ulteriura runals vegnir vitiers. En tut porscha il territori da skis 45 kilometers pista.
Dapi l'onn 2012 è il territori da skis Confin al portal sid dal San Bernardino stà serrà per motivs finanzials. Dacurt ha l'investur dal Tessin Stefano Artioli surpiglià il territori da skis cun sia firma San Bernardino Swiss Alps.
Ils indrizs attempads duain vegnir sanads e nizzegiads per intgins onns. Lura duai l'entira destinaziun vegnir modernisada. I duaja dar in hotel da tschintg stailas e plirs edifizis en il vitg vegnan sanads. La finamira è ina top-destinaziun per l'entir onn per sportists e sportistas.
Or da l'archiv:
