9 ospitalisaziuns novas hai dà entaifer in di en il Grischun en connex cun covid-19. En tut sa chattan uschia 72 persunas en ospitals pervi dal virus. Quai è in nov record. Durant il lockdown da la primavaira passada era il dumber d'ospitalisaziuns il pli aut tar 63. Actualmain sa chattan 10 persunas sin staziuns intensivas e vegnan respiradas.
Avant in'emna stuevan anc 49 persunas vegnir tgiradas en ospitals grischuns, 8 da quellas persunas sin staziuns intensivas. Ed avant duas emnas eran 34 persunas en l'ospital pervi da Covid-19 e 5 da quellas stuevan vegnir respiradas.
Fertant che las ospitalisaziuns èn s'augmentadas fermamain las davosas duas emnas, paran ils dumbers da novas infecziuns per di da sa stabilisar. Tenor la pagina d'internet dal chantun èn vegnidas registradas aifer 24 uras 79 novas infecziuns. Novs mortoris n'èn betg vegnids annunziads.
Per l'entira Svizra na dat l'Uffizi federal per sanadad BAG ora naginas cifras sur la fin d'emna.
Ord l'archiv:
Il cumenzament da november era la situaziun anc survesaivla en ils ospitals grischuns.
