Clair Southwell è ditg stada l'assistenta persunala dal retg Charles III cura ch'el ha fatg vacanzas a Claustra. Vinavant ha ella lavurà plirs onns en il St. James's Palace a Londra. Ella ha damai ina colliaziun fitg stretga cun la famiglia roiala. Perquai ha la dunna, che viva gia 30 onns a Claustra, vulì organisar ina pitschna acziun da condolientscha ensemen cun la vischnanca da Claustra – quai cun in cudesch da condolientscha. En quel cudesch dastga ina e scadin scriver ses pleds a la famiglia roiala. E pli tard vegn quest cudesch alura tramess en il Buckingham Palace.
Il di da la sepultura ha Clair Southwell vulì passentar mo en ina pitschna gruppa – cun la glieud ch'è era da la Gronda Britannia e sa senta medem emoziunal sco ella cun stuair prender cumià da Queen.
