L’emprima ediziun da la Khuga ha gì lieu la fin d’emna d’Ascensiun. Tenor ils organisaturs e las organisaturas han els gì in bun start la gievgia, els sajan stads surprais positiv. Da venderdi avevan els respect ed i n'è per propi betg marschà bain. La sonda e dumengia han els puspè gì dapli visitaders e visitadras. Las cifras quantas persunas ch’èn vegnidas e quantas entradas che la Khuga ha purtà, quai ston els anc calcular.
Nus essan cuntents cun la atmosfera allegra, dentant datti chaussas che ston vegnir meglieradas.
Per exempel ston els meglierar la situaziun da parcadis. I dovra ina meglra schliaziun per che tuts quels ch'arrivan cun auto hajan plaz. Ed era il marketing pudessan els far meglier, tenor la organisatura Sandra Adank, far dapli reclama per il program vast che la Khuga porscha. Dentant han els pudì preschentar la Khuga, uss san ins tge ch'è davos il num. Tenor l'organisatur Samuel Urech hai dà la fin d’emna intginas confusiuns davart il num e la purschida da la messa anteriura Higa e l'actuala Khuga.
Uss han las persunas vis che la Khuga è propi regiunala.
