Cun 136 kilometers l'ura en ina zona dad 80 è in automobilist vegnì tschiffà la notg da venderdi sin sonda da la polizia da la citad da Cuira. In auter aveva 130 sin il tacho. Omadus han stuì dar giu il bigliet.
In um da 28 onns ha la polizia tschiffà cun 124 kilometers l'ura. L'emprim è el scappà. Cura che la polizia ha tschiffà el, ha ella constatà ch'el aveva gia stuì dar giu il bigliet pli baud e ch'el n'era betg abel da manischar ses vehichel. En tut èn passa 300 vehichels vegnids mesirads. 30 da quels eran memia svelt sin via.
Ord l'archiv: