La chasa da terapia Fürstenwald organisescha mintg'onn ina cursa da chaschas da savun. Sper ils scolars e las scolaras da la scola speziala e pazientas a pazients da la staziun per giuvenils, fa er mintg'onn part ina 6avla classa da la scola Masans da Cuira.
La finamira è da vegnir liber da pregiudizis.
Tenor il manader da scola Maurizio Biondo saja la finamira surtut er da d'encuraschar in barat e ch'ils scolars e las scolaras vesan che lur collegas da la scola speziala èn atgnamain sco els. Uschia vegnan els er libers da pregiudizis.
Chasa da terapia Fürstenwald
La chasa da terapia Fürstenwald fa part als Servertschs psichiatrics dal Grischun dapi il 2019. En la chasa a l'ur da Cuira datti ina scola speziala cun 13 plazzas en il externat ed 13 en il internat per uffants e giuvenils che n'èn betg buns dad ir en la scola public or da motiv psichics. Sper la scola datti er anc ina partiziun staziunara, là pon giuvenils star en cas d'urgenza. Er els van a scola en quel temp.
Tge che nus badain è che la glista da spetga ha prendì tiers.
Tenor Maurizio Biondo è la glista da spetga per la chasa da terapia vegnida pli lunga en ils ultims onns, quai n'è betg in'excepziun en Svizra. Tuttina accentuescha el, ch'ins duaja s'annunziar en cas ch'ins veglia ina plazza en lur scola.
