Bunamain dubel uschè blers giuvenils dumondan sustegn al telefon d'agid da Pro Juventute ch'anc avant la pandemia.
Sco la Fundaziun communitgescha, dettia dapli cussegliaziuns pervia da depressiuns, patratgs da suicidi u era pervi da l'intenziun da suicidi. Quellas sajan era pli savens seriusas, uschia ch'ins stoppia pli savens clamar la polizia u l'ambulanza.
Sco motiv vesa la Pro Juventute dapli starments pervi da temas globals sco la pandemia u la stgaudada dal clima.
En blers chantuns sajan las purschidas dentant manglusas, i dettia lungs temps da spetga per accumpagnament.