Siglir tar il cuntegn

Header

video
Chattà bunker che serviva sco centrala d'alarm
Or da Telesguard dals 22.06.2022.
laschar ir. Durada: 4 minutas 52 Secundas.
cuntegn

Cuira Ina visita en il bunker che serviva sco centrala d'alarm

A l'ur da la citad veglia da Cuira vegn bajegià. Pli precis davos la chasa da la citad e da RTR. Dapi in temp ves'ins là ina rusna en la paraid da betun. Cun pitgar giu grip han lavurers chattà ina uschenumnada «Luftschutzalarmzentrale».

Il Servetsch archeologic dal Grischun ha constatà in arvieut da 20 sin 6 meters ch'era vegnì bajegià en il grip. La centrala d'alarm sutterrana ha pliras stanzas: Igl ha ina stanza da durmir, ina tualetta ed ina duscha ed ina stanza da lavurar e viver. In sistem per pumpar aria frestga cun pedalar sin velos è anc existenta.

La centrala d'alarm da la protecziun da l'aria è vegnida bajegiada il 1938 ed è stada en funcziun fin ils onns tschuncanta. La citad aveva classà ella sco «secreta», quai resulta d'in rapport da l'Uffizi da bajegiar da la citad da Cuira. En cas d'in bumbardament avess l'equipa da la protecziun da l'aria stuì ir sut terra, dar alarm a la populaziun e coordinar l'emprim agid suenter ina attatga.

Ina centrala d'alarm ch'è en in stan uschè bun è natiralmein speziala.
Autur: Mathias Seifert Servetsch archeologic dal Grischun

Per la tgira da monuments è la centrala degna da vegnir protegida.

Da principi è la centrala d'alarm betg protegida, perquai vulain nus chattar ina schliaziun cun ils responsabels.»
Autur: Simon Berger Menader da la tgira da monuments

Co ch'i va enavant è uss en ils mauns da la citad da Cuira. Sche quella decidess da curclar la centrala, vuless il servetsch archeologic almain documentar la scuverta.

Ord l'archiv: Il Grischun sutteran

video
Svizra Rumantscha vom 01.05.2011
Or da Cuntrasts dals 01.05.2011.
laschar ir. Durada: 25 minutas 33 Secundas.

RTR actualitad 08:00

Artitgels legids il pli savens

Scrollar a sanestra Scrollar a dretga