Uss èsi definitiv: La halla da chavaltgar St. Georg sin la Obere Au a Cuira vegn stgarpada giu l'entschatta dal 2024, quai communitgescha la citad. La raschun è ch'il contract da dretg da construcziun tranter la citad da Cuira e la Reithalle Chur SA scada. La halla sto uschia far plazza al project «Eisball» da la citad.
Project «Eisball»
Avrir la boxSerrar la box
Il 2018 ha il suveran da Cuira approvà cun 81% in credit da 44 milliuns francs per il project che duai sanar ils indrizs da sport. El cuntegna.
In bajetg da gardarobas cun tribunas e tetg – confurm a gieus da ballape da l’emprima liga ed American Football
Ina plazza da ballape tar il bajetg da la tribuna
Quatter plazzas da ballape – 2 confurmas a gieus da ballape da la segunda liga e 2 confurmas a gieus da la terza fin 5avla liga
Ina halla da glatsch per trenament – confurm a la prima liga da hockey sin glatsch
Gia a partir da la primavaira duai vegnir construì sin l'areal in bajetg da tribuna per 3'000 persunas ed in pastget per il sport da ballape. Per la halla da chavaltgar da 50 onns vegn gia dapi onns tschertgada ina soluziun, quai però senza success.
