Il parlament da Cuira ha approvà la finanziaziun e la dimensiun da la halla da messa ed event. Il project che custa totalmain 43 milliuns francs, sustegna la citad da Cuira cun ina contribuziun annuala da 560'000 francs. La halla è planisada sin l’areal da la Obere Au en ina dimensiun da bunamain 14'000 m2. Als 12 mars 2023 vegn la votaziun davant il pievel.
Era il preventiv è sut tetg
Il parlament da la citad da Cuira ha approvà il preventiv per l'onn 2023, quai unanimamain. Dà da discutar ha però la cumpart da las investiziuns che pon vegnir finanziadas da la citad sezza. Ils ultims onns era quai adina stà 100%. Uss munta questa cumpart però be pli a radun in 5avel. La suprastanza ha fatg attent che quai fatg stettia en connex cun las grondas investiziuns ch'èn planisadas. Quellas stettian en il focus da l'auter onn.
Il preventiv da la citad da Cuira quinta cun in surpli da bun 700'000 francs, quai tar expensas ed entradas da passa 283 milliuns francs.
