Cuira - Petiziun per mantegnair lecziuns da musica inoltrada

La petiziun per mantegnair las lecziuns da musica en la scola da basa a Cuira è vegnida inoltrada. Els hajan rimnà 2'096 suttascripziuns, ha confermà Andrea Peterelli, magistra da ritmica e flauta. La petiziun va uss a la cumissiun d'educaziun. Il parlament da la citad da Cuira vegn probabel decider la stad davart l'avegnir da la scola da basa da musica. Tranter auter per motivs da spargn ponderescha la citad d’abolir questas lecziuns.