Cuira - Quint equilibrà malgrà 57 % damain giasts per Brambrüesch

Las pendicularas da Brambrüesch han preschentà in quint equilibrà per l’onn da gestiun 2022/23 malgrà in enviern cun pauca naiv ch’haja chaschunà 57% damain giasts. Dentant haja la ferma stagiun da stad dal 2022 pudì cumpensar quai per part, communitgeschan la pendicularas. Uschia hajan ins registrà 8% dapli emprimas entradas durant la stad – in nov record. Cumpareglià cun la stagiun avant saja la svieuta sa reducida per 8%. Grazia a custs da persunal pli bass hajan els pudì reducir las expensas da manaschi per 100'000 francs. Il gudogn da manaschi saja sa reducì per in terz sin 202'000 francs.