Tgi ch'ha uffants cun in u plirs hobis sa – als charrar dad A fin B dovra temp. Anc dapli, sch'els han turniers u success, fan plirs sports u sch'igl èn plirs uffants. E metter tut quai sut in chapè dasper la scola para in grond act da balantscha. Questa situaziun è stada il culp da partenza per Selina Gasparin e trais autras famiglias en il conturn da Cuira cun la medema situaziun. Lur figlias èn en il cader naziunal per la gimnastica ritmica e treneschan fin 23 uras l'emna.
L'idea è naschida or da la situaziun ch'jau hai gì cun mia figlia. Ella fa gimnastica ritmica e cun il pensum da la scola n'era quai per nus sco famiglia betg pussaivel da metter tut en in di da 24 uras.
Els han cumenzà l'onn 2025 cun scola privata ed han vis, ch'igl ha funcziunà bain. Ord quai è naschì il project da pilot per l'onn da scola actual.
-
Bild 1 von 5. Pitschnas classas. La nova scola privata metta paisa sin classas pitschnas. En il project da pilot actual èn ellas be quatter scolaras. Bildquelle: RTR.
-
Bild 2 von 5. Lecziuns flexiblas. L'idea da la scola è da suandar il plan d'instrucziun 21, ma da far las lecziuns flexiblas e da dar scola, cura ch'i va per las mattatschas. Bildquelle: RTR.
-
Bild 3 von 5. Leila Chernousova. «La gievgia stueva jau adina prender liber per far gimnastica e stueva mangiar en la posta e quai n'era betg cool.». Bildquelle: RTR.
-
Bild 4 von 5. Ailani Schönenberger. «Jau vegniva adina tard a chasa. Qua èsi per mai meglier, qua sun jau betg uschè tard a chasa.». Bildquelle: RTR.
-
Bild 5 von 5. Giulia Gini. «Jau vuleva avair dapli temp per il trenament per la gimnastica ritmica. Ma igl era ina greva decisiun pervi da mias amias. Jau chat dentant meglier.». Bildquelle: RTR.
Ensemen cun il magister da Cuira Matej Petrovic ha Selina Gasparin elaborà in concept per in model da scola flexibel. Bain suondan els il plan d'instrucziun 21, ma tuttina planiseschan els las lecziuns flexiblas. Uschia han las scolaras temp per lur blers trenaments, per exempel il mardi e la gievgia damaun. Scola han ellas quests dis lura persuenter il suentermezdi. En ina scola regulara giess quai be cun prender liber e prender suenter sez las lecziuns manchentadas. Actualmain è la scola in project da pilot, ma il model sa paja ora:
Nus avain vis che las mattas han fatg fitg grond progress quest onn. Quai è era perquai ch'ellas treneschan duas giadas l'emna la bunura e quai dat tut in'autra qualitad.
Ch'ella avrissi in'atgna scola privata, n'avess Selina Gasparin era betg pensà avant in per onns. Ma suenter s'infurmar èsi ì pass per pass ed uss èsi uschè lunsch, ch'els pon avrir la scola l'onn che vegn a Cuira.
La differenza è tar la grondezza da la classa. Jau ma poss deditgar pli individual a la singula scolara.
La part da Gasparin vegnan ad esser las lecziuns da sport ch'ella vegn a dar, sin las qualas ella sa legra. Il focus vegn ella a metter sin polisportivitad. Las lecziuns da scola vegn il scolast Matej Petrovic a dar.
-
Bild 1 von 2. Stanza provisorica. Questa pitschna stanza è il provisori per l'onn actual da scola. A partir da l'avust è la scola èn ina nova localitad. Bildquelle: RTR.
-
Bild 2 von 2. Saira d'infurmaziun. A l'emprima saira d'infurmaziun la fin avrigl èn vegnidas radund 30 persunas. Bildquelle: RTR.
Il project è pir a l'entschatta. La fin avrigl 2026 ha gì lieu ina emprima saira d'infurmaziun, nua ch'èn radund 30 persunas stadas. Ils resuns sajan positivs, l'interess qua, di Selina Gasparin envers RTR. Las classas vulan els tegnair pitschnas cun maximalmain 12 scolaras e scolars. Per l'onn da scola 2026/27 èn gia otg annunzias vegnidas fatgas. In onn da scola custa 20'000 francs, servetschs supplementars sco tgira avant scola, solver u gentar custan supplementarmain.