Cumbat da chors - Incantanti gudognan trais categorias diplom d'aur - Novitads

Cumbat da chors Incantanti gudognan trais categorias diplom d'aur

Autur: Corsin Monn

L'ensemble vocal Incantanti turna cun plirs premis dal Portugal, scrivan ils responsabels dal chor. Tar la concurrenza internaziunala da chors a Lissabon «LisbonSings» ha l'ensemble grischun sut la direcziun da Christian Klucker, gudagnà mintgamai ina medaglia d'aur en las trais categorias folclora, religius a capella, e chor da giuvenils. En tut las categorias saja dentant in auter chor stà in zic meglier ch'il chor grischun, uschia ils responsabels. Tut ils chors cun dapli che 20 da 30 puncts pussaivels gudognan ina medaglia d'aur.

Vitiers haja Incantanti gudagnà il premi spezial per la varietad extraordinaria dal repertori. A l'occurrenza en la chapitala dal Portugal èn sa participads 25 chors da 16 pajais.

Or da l'archiv:

Chantai – Chantez – Incantanti