In’eventuala fusiun vegn pli datiers. Sco la citad da Cuira scriva, vul ella evaluar ina fusiun cun la vischnanca da Tschiertschen-Praden. En in emprim pass vai per analisar las consequenzas dad ina tala fusiun. Suenter la stad vul il Cussegl da citad lura decider sch’ina fusiun duai vegnir persequitada u betg.
L'onn passà aveva la suprastanza communala da Tschiertschen-Praden dumandà il cussegl da la citad d'examinar ina fusiun pussaivla. In barat tranter ils responsabels da las fuas vischnancas ha gì lieu il mars da quest onn. Or da vista da Tschiertschen-Praden saja ina fusiun da las vischnancas necessaria perquai che in avegnir sco atgna vischnanca na saja betg pli pussaivel.
