Siglir tar il cuntegn

Header

video
Silva Semadeni ed il cumbat cunter gieus olimpics en il Grischun
Or da Telesguard dals 10.02.2022.
laschar ir. Durada: 4 minutas 16 Secundas.
cuntegn

Cunter gieus olimpics en il GR GR2022 – Il pli grond cumbat politic da Silva Semadeni

2013 ha l’anteriura cussegliera naziunala survegnì il surnum «Olympiaschreck». Quest num n'haja mai disturbà ella.

Silva Semadeni è stada la presidenta dal comité che ha cumbattì ils gieus olimpics en il Grischun. Igl è stà in cumbat cunter l’entira classe politique. La regenza grischuna, ina gronda part dal Cussegl grond sco er blers e bleras collegas da Berna èn s'engaschads quella giada per gieus olimpics pitschens e persistents en il Grischun.

Silva Semadeni n'ha mai cret vi da questa visiun. En emissiuns da televisiun, en gasettas, sin podis ha ella argumentà cunter il «dictat da l’IOC», cunter gieus che sajan memia chars e cunter intervenziuns en la natira.

Igl era dirischem per mai da cumbatter saira per saira cunter tut questa glieud, mo jau hai detg, jau stoss ir atras, i na dat naginas autras pussibilitads per mai, jau stoss far quai.
Autur: Silva Semadeni anteriura cussegliera naziunala, PS

Ch'il pievel grischun ha refusà ils 3 da mars 2013 ils gieus è per Silva Semadeni fin oz ina gronda satisfacziun e gist ussa cun vista sin ils gieus en China di Semadeni:

Jau studegel propi mintga giada, sche ja vesel quests maletgs, per fortuna na capita quai betg en il Grischun.
Autur: Silva Semadeni anteriura cussegliera naziunala, PS

RTR Telesguard 17:40

Artitgels legids il pli savens

Scrollar a sanestra Scrollar a dretga