Siglir tar il cuntegn

Header

cuntegn

Cuntrasts Sara Hauschild gudogna premi da medias da l'uniun purila

L'Uniun purila svizra undrescha la Rumantscha Sara Hauschild cun in premi da medias. Ella vegn undrada per ses film per ils Cuntrasts «In siemi mez nar – Bain Bun». Il film tracta d'in giuven da 21 onns che cumpra, ensemen cun sia partenaria, in bain puril da muntogna. Sco l’uniun purila scriva en ina communicaziun mussia il film ina istorgia che commovi. El tracta las sfidas, dubis e temas d'existenza tar la tschertga d'in avegnir en l'agricultura da muntogna. Per quest film ha Sara Hauschild accumpagnà cun l'um da camera Roman Schmid ils protagonists durant in onn e mez.

Per guardar: il film ch'ha persvas l'uniun purila

video
In siemi mez nar – «Bain Bun»
Or da Cuntrasts dals 31.10.2021.
laschar ir. Durada: 26 minutas 2 Secundas.

Il premi da medias da l’uniun purila onurescha en trais regiuns linguisticas ina contribuziun che sa fatschenta a moda persvadenta cun l’agricultura. El è dotà cun 2’000 francs e vegn surdà a la radunanza da delegads. L'uniun festivescha quest onn il 125avel anniversari.

RTR novitads 12:00

Artitgels legids il pli savens