Ils demonstrants e las demonstrantas han pretendì ina taglia da clima per persunas fitg ritgas ed ina remissiun dals debits per pajas dal sid.
Il president da la Juso, Nicola Siegrist, ha declerà durant la demonstraziun ch'ils daners ord la taglia duain vegnir investids en politica da clima sociala. Persunas ritgas sajan quellas che profiteschan il pli ferm dal sistem che fa donns als clima, uschia Siegrist.
L'organisaziun Strike WEF organisescha dapi intgins onns in «spassegiada da protest». Durant quella chaminan els fin a Tavau e fan là ina demonstraziun. L'associaziun s'engascha tranter auter cunter chapitalissem, cunter la crisa dal clima e cunter malgistadad.
La demonstraziun ha gì lieu anc avant ch’il Forum mundial d’economia WEF cumenza uffizialmain. L’avertura dal WEF vegn ad esser glindesdi saira ed el cuzza enfin venderdi. Ins quinta cun 2'700 persunas da cader da 130 pajais.
Adattà al tema
