Siglir tar il cuntegn

Header

audio
WEF Tavau 2023: Las mesiras da segirtad
Or da Actualitad dals 13.01.2023. Maletg: Keystone
laschar ir. Durada: 3 minutas 9 Secundas.
cuntegn

WEF a Tavau Radund 100 persunas cun dispositiv da protecziun

Er quest onn spetga la Polizia persunas cun autas posiziuns al WEF. Entginas da quellas han da bun protecziun speziala.

Tenor la cunvegna da Vienna han tschertas persunas da bun in dispositiv da protecziun. Tar quellas tutgan per exempel schefs e scheffas da stadis, retgs e reginas, plinavant ministras e ministers. Radund 100 da quellas persunas arrivan quest onn a Tavau. Tenor il cumandant da la Polizia chantunala, Walter Schlegel, èn quai circa tantas persunas sco er ils ultims onns.

video
Tavau sa prepara per il WEF 2023
Or da Telesguard dals 13.01.2023.
laschar ir. Durada: 3 minutas 24 Secundas.

Auters onns èn quai stadas 120 persunas, u er ina giada 50, di Schlegel. Ils ristgs sajan terrorissem, extremissem e spiunascha. Plinavant smanatschian attatgas da cyber. La guerra en l'Ucraina n'haja betg in'influenza speziala sin il WEF, uschia il cumandant da la polizia vinavant.

audio
Walter Schlegel davart persunas cun dispositiv quai onn
ord RTR Audio dals 13.01.2023.
laschar ir. Durada: 18 Secundas.
In'egliada en il parc da cura, circumdà d'ina saiv.
Legenda: In'egliada en il parc da cura a Tavau, circumdà d'ina saiv. Keystone

5'000 schuldada e 50 kilometers saiv

Il vitg da Tavau è durant il WEF surveglià fermamain. Radund 50 kilometers saiv han commembers da l'armada e polizia mess si. 5'000 commembers da l'armada èn en acziun. Durant il WEF datti controllas da persunas e vehichels enturn Tavau. Plinavant è il pass dal Flüela serrà ed ins po pia mo arrivar a Tavau da Casti u da Landquart anora. Il spazi aviatic segireschan il militar svizzer, austriac e talian.

Al WEF s'inscuntran persunas da l'economia e politica mundiala per sa barattar e sa colliar in cun l'auter. L'occurrenza cumenza ils 16 da schaner.

RTR Novitads 10:00

Artitgels legids il pli savens

Scrollar a sanestra Scrollar a dretga