Siglir tar il cuntegn

Header

audio
Uschè blers presidents sco anc mai èn quest a giada preschent
Or da Actualitad dals 10.01.2023. Maletg: Keystone
laschar ir. Durada: 4 minutas 1 Secunda.
cuntegn

WEF 2023 a Tavau 52 schefs da stadis e regenza èn da la partida

Al Forum mundial d'economia che cumenza l'autra emna a Tavau vegnan spetgads uschè blers schefs da stadi e da regenza sco anc mai – en tut 52.

Tut en tut vegnan passa 2'700 represchentantas e represchentants da 130 pajais al WEF che cumenza l'auter glindesdi e dura fin il venderdi, sco ils organisaturs dal WEF han ditg mardi ad ina conferenza da medias.

Da la partida èn tranter auter er il chancelier tudestg Olaf Scholz, la presidenta da la cumissiun da l'UE Ursula Von der Leyen u er il president da la Pologna Andrzej Duda e la scheffa da la banca centrala europeica Christine Lagarde. La Svizra vegn tranter auter represchentada dal president da la Confederaziun, Alain Berset.

La Frantscha, la Gronda Britannia ed ils Stadis Unids na tramettan fitg probabel nagins schefs da stadi u da regenza en il Grischun. Uschia er betg la Russia e la China.

Vischnanca ha dà lubientscha per demos

La vischnanca da Tavau ha lubì tut en tut sis demonstraziuns durant il Forum mundial d’economia. Quai ha la chanzlia communala confermà envers RTR.

Las duas grondas demonstraziuns – cun maximal 300 participantas e participants – èn gia la dumengia. Lura s’inscuntran demonstrantas e demonstrants cun ils Giuvens socialists per ina viagiada d’enviern per l’egualitad dal clima. I sa tracta d’ina viagiada da Claustra enfin a Tavau. Sin la plazza da la posta suonda ina demonstarziun sin il plaz.

Durant l’emna suondan ulteriuras demonstraziuns en in rom pli pitschen.

RTR novitads 16:00

Artitgels legids il pli savens

Scrollar a sanestra Scrollar a dretga