L'iniziativa per stritgar las rentas dals anteriurs cussegliers e cusseglieras guvernativas dal Grischun è lantschada. Il president da la PPS, Roman Hug aveva annunzià quella suenter che la partida n'aveva betg gì succes en il Cussegl grond. Uss han deputads e deputadas da la partida populara inoltrà l'iniziativa dal pievel, quella è publitgada en il Fegl uffizial grischun. L'iniziativa pertutga era ils commembers e la commembra actuala da la regenza. Ils iniziants da la PPS han uss in onn peda da rimnar las 3'000 suttascripziuns necessarias.
Parlament aveva discutà il favrer
En la sessiun da favrer aveva il Cussegl grond discutà davart las rentas. La finala ha il parlament surdà a la regenza l'incumbensa dals liberaldemocrats che vul limitar las pensiuns d'anteriuras ed anteriurs cussegliers guvernativs.
Ord da l'archiv
