Cuira turissem fa amogna circa 30 guidas da differents temas. Questa giada ha Imelda Grisch, la manadra da guidas ch'è gia il pli ditg activa tar Cuira turissem, gì ina nova idea. Ella ha vulì organisar insatge ch'i n'ha anc mai dà.
Nus vulain mussar, che Cuira n'era betg mo bel e bun en il temp passà.
La nova guida, ch'ha num «CHURios und kriminell – Churer Räubergeschichten», maina ils aspectaturs e las aspectaturas durant ina ura e mez tras la citad veglia da Cuira. I spetgan istorigias interessantas tar differents posts, sco per exempel tar il bigl da las larmas da Lucrezia, la halla da la chasa communala, il café Ela u la fora d'urs. Là raquinta Imelda Grisch mintgamai d'assassins, laders, strias, ed auters criminals ch'han purtà tema e sgarschur en il conturn da Cuira.
In'istorgia tracta d'in um da 55 onns cun il num Franz Rimmel. Durant ina notg ha el assassinà tschintg persunas en la chasa d'in muliner a Panaduz. L'assassin è fugì ed ins ha alura arrestà el a Spleia e purtà a Cuira. Avant ch'ins ha pudì far il process, ha Franz Rimmel fatg suicidì.
-
Bild 1 von 6. Imelda Grisch maina la gruppa fin al proxim post, il café Ela. Bildquelle: RTR.
-
Bild 2 von 6. Imelda Grisch mussa purtrets e raquinta istorgias. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Bildquelle: RTR.
-
Bild 6 von 6. Bildquelle: RTR.
I vegnan betg mo raquintadas istorgias dal passà, mabain er istorgias pli actualas, sco per exempel l'istorgia d'in um da 55 onns ch'ha vulì assaglir la Banca Chantunala Grischuna avant tschintg onns.
L'um è ì en la Banca Chantunala Grischuna, ha sajettà in culp d'ina pistola ed è sinaquai fugì cun 15'000 francs en il café Ela.
L'um saja il 2020 ì en la Banca Chantunala Grischuna, haja sajettà in culp d'ina pistola e saja sinaquai fugì cun 15'000 francs en il café Ela, raquinta Imelda Grisch. Per fortuna haja la polizia pudì arrestar l'um 10 minutas suenter ses crim.
La guida «CHURios und kriminell» è per persunas a partir da 13 onns. Tenor l'organisatura na saja la guida nagut per uffants pitschens. L'idea saja numnadamain era d'offrir la guida la saira uschia che l'atmosfera saja anc pli misteriusa e criminala.
Sch'ins vuless sentir ed udir tut las istorgias criminalas da la citad veglia da Cuira pon ins ussa pia s'annunziar tar Cuira turissem: