Sin livel federal na datti naginas votaziuns questa dumengia. Dal reminent er betg il mars, mabain pir il zercladur 2023 eventualmain puspè.
Il chantun Grischun decida dentant davart in grond project: La refurma da giustia. Per l'ina vai per stgaffir ina giustia pli moderna e pli effizienta e per l'autra per il credit da bunamain 30 milliuns francs per renovar il bajetg statal che duai daventar la sedia da la Dretgira superiura.
Dentant er pliras vischnancas cloman il suveran a l'urna. Tranter auter decida San Murezzan davart la halla da chavaltgar e la chasa da parcar e Domat votescha davart ina via da colliaziun dispitaivla.
RTR tegna sin il current davart las decisiuns chantunalas e communalas:
- Sin rtr.ch chattais tut ils resultats, graficas ed analisas
- Adina puspè sin facebook, twitter ed instagram
- Las novitads al radio rapportan mintg'ura dal pli actual
- Reacziuns ed analisas pudais tadlar al radio a partir da las 12:00 ed a partir da las 16:00