Scuvrir las lavurs en chasa RTR
-
Bild 1 von 18Legenda: Far intervista e respunder dumondas. RTR -
Bild 2 von 18Legenda: Per far in'emissiun dovri differents gidanters. RTR
-
Bild 3 von 18Legenda: Smincar per betg traglischar memia fitg en las glischs ed avant la camera. RTR
-
Bild 4 von 18Legenda: Far retschertgas: daco datti be durant il temp d'enviern mandarinas? Las reportras emprovan da chattar respostas. RTR
-
Bild 5 von 18Legenda: En il studio da televisiun Flavio Bundi, schefredactur da RTR declera tge che capita avant e durant ina emissiun da televisiun. RTR
-
Bild 6 von 18Legenda: Er ils collegas dal schurnal regiunal da SRF han survegnì visitas, siu pensum: tschertgar partenaris d'intervista RTR
-
Bild 7 von 18Legenda: En il studio da radio Far moderaziuns, giugar cun la musica e tegnair en egl il temp – moderatura Gaby Degonda declera. RTR
-
Bild 8 von 18Legenda: Filmar e far dumondas cun il microfon. RTR
-
Bild 9 von 18Legenda: Studio per in'emissiun Avant che pudair far l'emissiun drizzan ils uffants en il studio per in'emissiun da Minisguard. RTR
-
Bild 10 von 18Legenda: Tschentar las dretgas dumondas per far ina contribuziun da televisiun. RTR
-
Bild 11 von 18Legenda: RTR
-
Bild 12 von 18Legenda: Biro regiunal Glion Far retschertgas cun il redactur da sport Andreas Wieland a Glion. RTR
-
Bild 13 von 18Legenda: Jeroen ha dastgà producir ina contribuziun da las «Linguarias» ensemen cun sia mamma, la linguista da RTR Marietta Cathomas. RTR
-
Bild 14 von 18Legenda: Scolaras fan registraziuns da tun a Glion. RTR
-
Bild 15 von 18Legenda: Moderatura Georgina Janki mussa ils trics da respunder, tschentar dumondas e registrar audio. RTR
-
Bild 16 von 18Legenda: Studio a Samedan Tagliar material da film per ina contribuziun cun la redactura da l'Engiadina Ulrica Morell. RTR
-
Bild 17 von 18Legenda: Mintgatant ina pausa. RTR
-
Bild 18 von 18Legenda: Ina lavur cha fa magari star sin il chau. RTR
Tar la redacziun da radio han Julia ed Aita fatg ina visita. Ellas han survegnì in microfon, ed uschia han ellas dumandà ils auters uffants en chasa RTR tge che plascha e tge che marscha. Ellas èn stadas en in studio, tar la televisiun ed en blers auters lieus – e dapertut han ellas entupà uffants.
Avant che puspè laschar ir a chasa Julia ed Aita, ha RTR vulì savair da las duas giuvnas tge che ha fatg impressiun. Quai han ellas tradì en l'intervista cun Bigna Florineth.
La linguista da RTR Marietta Cathomas ha nizzegià il Di dal futur per producir ina contribuziun da las «Linguarias» ensemen cun ses mattet Jeroen.
Savens l'emprim contact cun la lavur en las medias
Mintg'onn il november han scolaras e scolars la pussaivladad da fufragnar en il mund da lavur ed accumpagnar geniturs ni enconuschents en lur mintgadi. Enstagl da far matematica, geografia e zambregiar en stanza da scola survegnan els invista en fatschentas ed organisaziuns. Er Radiotelevisiun Svizra Rumantscha ha adina puspè visita d'uffants che survegnan uschia in'invista en il mund da las medias, saja quai en ils studios a Cuira u en las regiuns. Ellas ed els pon far moderaziuns cun microfon e camera, accumpagnar moderaturas en il studio ed emprender d'enconuscher la tecnica che stat davos la producziun da televisiun, radio, online e social media.