Angelica Blumenthal daventa nova assistenta scientifica en la redacziun dal Dicziunari Rumantsch Grischun (DRG). Quai communitgescha la Societad Retorumantscha. Angelica Blumenthal è oriunda da Degen en Val Lumnezia. Ella ha studegià linguistica cumparativa romana ed istorgia d’art a Turitg ed a Vienna. En l’institut dal DRG saja ella gia dapi l’onn 2018 sco forza auxiliara. En sia nova funcziun cumenza ella il favrer.
Cun l'elecziun da Blumenthal serra la Societad Retorumantscha la rusna en la squadra da redacziun dal DRG. Quella rusna vegn chaschunada da l'anteriur schefredactur dal DRG, Carli Tomaschett, che va en pensiun la fin da favrer.
Or da l'archiv
Avant intgins mais è il linguist Ursin Lutz vegnì elegì sco chauredactur e mainagestiun da l'Institut dal Dicziunari Rumantsch Grischun. En l'intervista cun RTR ha el raquintà davart las sfidas e finamiras.
