En il Grischun hai il fanadur dà in zic dapli persunas dischoccupadas ch'il mais avant. Sco quai che l'Uffizi chantunal per industria, mastergn e lavur scriva – èn 880 persunas stadas senza lavur. Quai correspunda ad ina quota da dischoccupaziun da 0,8% – u stgars 20 persunas dapli ch'il mais avant.
Da las 880 persunas senza lavur èn 382 dunnas e 498 umens. Ils pli blers dischoccupads hai dà en la restauraziun (171), suandà dal sectur da sanadad (80), il commerzi en detagl (76) e l'industria da construcziun (76). Il dumber da persunas dischoccupada da lunga durada è creschida levet per 7 persunas sin nov 44.
En tut la Svizra è la quota da dischoccupaziun restada stabila il fanadur tar 2,3%, uschia il secretariat statal per l'economia. Il dumber è creschì da 104'518 il zercladur sin 107'716 il fanadur.
