A Glion hai dà ils ultims mais divers donns materials ed enguladitschs. Dapi il favrer 2024 hajan ins chattà adina dapli graffitis en la citad, scriva la poilzia chantunala dal Grischun. Perquai dumonda la polizia uss la populaziun per agid.
En tut 17 cas da graffitis hai dà dapi il favrer. Il medem temp èn era diversas signalisaziuns vegnidas donnegiadas u enguladas. En in cas han ins schizunt stgarpà or dal fundament duas signalisaziuns da sendas da viandar. Quellas èn lura vegnidas bittadas en il flum Glogn.
-
Bild 1 von 2. Cunzunt in augment da graffitis hai er dà dapi il favrer 2024. En la citad chattan ins adina plirs graffitis. Bildquelle: POLIZIA CHANTUNALA.
-
Bild 2 von 2. Delinquents nunenconuschents han prendì davent tut las signalisaziuns ch'inditgeschan la zona da tempo 30. Intginas èn puspè vegnidas scuvridas. Bildquelle: POLIZIA CHANTUNALA.
Da la dumengia sin il glindisdi da Tschuncaisma han delinquents nunenconuschents prendì davent tut las signalisaziuns ch'inditgeschan la zona da tempo 30 sco er scumonds da parcar. Intginas da las signalisaziuns èn puspè vegnidas chattadas. Il donn material total muntia a passa 10'000 francs. La polizia supplitgescha d'annunziar observaziuns dubiusas al numer 117.