Tranter ils 12 ed ils 22 da settember 2024 pon ins emprender co far «Brasciadela», il paun dal Puschlav en furma da rintg u cuschinar «Pizzoccheri» tradiziunals, silsuenter far ina degustaziun da vin local u visitar ina brassaria da café. Ch'ils responsabels e las responsablas han gist tschernì quella regiun, ha da far cun ses massa products regiunals, di il vicedirectur Alexander Barisnikov.
Sa deditgà a la maglia na vegn dentant betg be en la vallada dal sid mabain dapertut en Svizra. L'onn passà hai dà passa 3'000 occurrenzas organisadas da scolas, persunas privatas, acturs ed acturas da la gastronomia. E l'idea è ch'intginas da quellas occurrenzas restian a lunga vista. Ed uschia vul er il Puschlav crear insatge persistent, di il directur da turissem Kaspar Howald:
En las scolas vegn producì mel d'avieuls e cultivà in curtin e nus empruvain era d'introducir dapli products locals en la gastronomia collectiva. Per exempel en las mensas da chasas da vegls ed ospitals.
Dentant er in auter lieu grischun ha quest onn in'onur speziala en connex cun l'emna dal gust, numnadamain Rehanau. Là abiteschan e lavuran ils dus padrins ed uschia era ambassadurs da l'occurrenza da quest onn: ils viticulturs Gian-Battista e ses figl Johann-Baptista von Tscharner.
Per il giuven von Tscharner ha quest titel ina bella muntada. Era perquai ch'els èn pir ils segunds viticulturs che han quella funcziun:
Igl è ina gronda onur d'esser padrin perquai ch'jau sun insatgi che ha gugent il gust. Jau mangel e baiv gugent bun.
Sco padrin ed en il medem mument er ambassadur han ins dentant er uffizis e perquai vul il viticultur da Rehanau e ses bab cunzunt represchentar il Grischun e mussar co la maglia vegn vivida e giudida qua en il chantun.