La Gruppa da la Ems Chemie ha fatg damain siveuta ils emprims trais mais da quest onn. Cumpareglià cun il medem temp da l'onn passà è quella sa reducida per 3,8% sin 614 milliuns francs. La raschun per quest minus sajan tranter auter il franc svizzer ferm, la situaziun da Covid en China ed er l'inflaziun e las malsegirezzas en l'Europa, communitgescha il concern. La situaziun sin ils martgads d'energia che saja sa revegnida n'haja anc betg laschà revegnir il svilup economic.
2023 pli nausch ch'il 2022
En pli ha l'interpresa communitgà che Olivier Minger vegnia ad esser davent dal prim da november il nov CFO da la Ems-Gruppe.
Per il 2023 quinta la Ems Chemie cun in resultat levamain pli nausch che l'onn passà. Quai surtut pervi da l'inflaziun ed ils tschains creschents che frainan la dumonda economica.
Or da l'archiv
