Musica, chant ed odurs da liongias brassadas en l’aria ed ina pluna glieud che circulescha dad ina plazza a l’autra. Quai èn ils chavazzins che circumscrivan il giubileum da 10 onns da «Ün cumün resuna» a Vulpera.
Impressiuns da la festa a Vulpera
-
Bild 1 von 10. il chor d'uffants. Bildquelle: RTR, Dario Müller.
-
Bild 2 von 10. musica tradiziunala. Bildquelle: RTR, Dario Müller.
-
Bild 3 von 10. instruments da tola. Bildquelle: RTR, Dario Müller.
-
Bild 4 von 10. battaria. Bildquelle: RTR, Dario Müller.
-
Bild 5 von 10. Roberto Donchi, manader da la scola da musica Engiadina Bassa-Val Müstair. Bildquelle: RTR, Dario Müller.
-
Bild 6 von 10. Sidonia Horber da Tschlin suna la flauta traversa. Bildquelle: RTR, Dario Müller.
-
Bild 7 von 10. Simon Koller dad Ardez suna l'orgelin svizzer. Bildquelle: RTR, Dario Müller.
-
Bild 8 von 10. Chant e musica per mintgina e mintgin. Bildquelle: RTR, Dario Müller.
-
Bild 9 von 10. L'occurrenza ha attratg blers aspectaturs ed aspectaturas. Bildquelle: RTR, Dario Müller.
-
Bild 10 von 10. In inscunter musical per giuven e vegl. Bildquelle: RTR, Dario Müller.
In potpurri da stils da musica
Ils concerts ch’ins han pudì giudair en differents lieus en la fracziun da Scuol, han attratg blera glieud, giuven e vegl. Da musica da tola, rock, pop, musica classica, soul, funk e jazz, sur instruments tradiziunals sco l’orgelin svizzer, fin tar chant dals differents chors d’uffants.
Demografia è gronda sfida
Per la scola da musica Engiadina Bassa-Val Müstair saja surtut il dumber da scolars vi e pli in problem, ha declerà il manader Roberto Donchi.
Da porscher vinavant uras da musica per tut ils instruments pussibels è ina gronda sfida, savend ch’il dumber d’uffants sa reducescha.
Il giavisch da tut la magistraglia restia dentant quel da s’engaschar en maniera motivanta che mintga uffant possia emprender er vinavant a sunar in instrument, uschia Donchi.