Siglir tar il cuntegn
Inhalt

Engiadina 100 onns Societad agricula Val Müstair

Ils purs en Val Müstair han festivà il giubileum ed èn pronts per las proximas sfidas.

Legende: Audio Bunura: 100 onns Societad agricula Val Müstair abspielen. Laufzeit 03:06 Minuten.
03:06 min, Actualitad dals 30.04.2018.

Gia l'onn 1883 avevi dà ina prima uniun purila en tut la Val Müstair. Quella n'ha dentant betg gì success. Pir la segunda prova per ina uniun per tut la Val Müstair l'onn 1918 ha gì success. La «Società agricula Val Müstair» exista anc adina e po festivar ses 100avel anniversari.

Finamiras per l'avegnir

Per il president actual Armin Andri ha la societad actualmain duas impurtantas finamiras: Sco emprim mussar l'impurtanza da las professiuns agriculas en in temp nua ch'i dat adina pli paucs manaschis purils. Plinavant è la societad agricula londervi da realisar in project da svilup regiunal cun ina chascharia, in lieu per mazzar ed in post per elavurar graun. La fabrica da la nova chascharia ha cumenzà.

exposiziun da muvel.
Legenda: Ils purs preschentan lur pli bellas vatgas RTR, David Spinnler

Exposiziun e festa

Il 100avel giubileum ha la «Società agricula Val Müstair» festivà cun ina exposiziun da muvel e d'auters animals a Fuldera. La saira hai lura anc dà ina festa populara.

RR actualitad 08:00