Sper la scola populara pon ils uffants in Engiadina Bassa e conturn era visitar la scola libra da Rudolf Steiner. La scola è privata ed ils geniturs han da finanziar sezs la scolaziun da lur uffant.
En il center stat l’uffant cun ses basegns – il tempo da l’emprender dat avant il scolar e classas en il vair senn dal pled n'existan betg. Il concept da la scola libra promova l’uman sco tal. Emprender cun il cor, cun il chau e cun ils mauns, quai è il pli impurtant. L’emprender duai far plaschair e far mirveglias.
En tut lavuran circa 10 magistras e magisters en pensums parzials cun ils scolars, quai da l’emprima fin l'otgavla classa. La lingua d’instrucziun è tudestg. Mintga di cumenza cun il ritual da la damaun.
A mai plascha che nus pudain emprender senza squitsch da notas e che nus faschain bler en la natira cun la scola.
La scola antroposofa a Scuol exista e viva dapi 25 onns tenor la filosofia da Rudolf Steiner ed ha festivà cun ina festa gronda ils 31 da matg 2025 ses anniversari.
