Siglir tar il cuntegn

Header

cuntegn

31avla concurrenza grischuna Simon Gabriel è puspè campiun da solo grischun

Cun in tun extrem aut ha Simon Gabriel terminà sia represchentaziun durant il final da solists en l’aula da scola chantunala. Er cun quai ha el pudì persvader la giuria. Pauc pli tard ha el puspè survegnì il titel da campiun da solo grischun, e gudogna uschia la 31avla concurrenza grischuna BSEW.

audio
Simon Gabriel è puspè campiun da solo grischun
ord Actualitad dals 22.01.2024. Maletg: Grischun Brass
laschar ir. Durada: 2 minutas 58 Secundas.

Il giuven cornettist haja ristgà bler, igl haja dentant valì la paina, uschia Simon Gabriel da S-chanf.

Duas secundas avant hai jau decidì spontan da sunar quest «f» fitg aut, quai ch'era fitg grev. Jau sun fitg cuntent ch’el è er gartegià.
Autur: Simon Gabriel cornettist S-chanf

Sco in dals paucs ha l’Engiadinais sunà senza notas sin tribuna. Per el na sajan quellas era betg impurtantas, perquai ch’el haja la melodia gia en sai, admetta Simon Gabriel suenter il final a Cuira.

Simon Gabriel gewinnt erneut den BSEW und wird Bündner Solo-Champion.
Legenda: Cun in tun extrem aut ha Simon Gabriel terminà sia represchentaziun durant il final da solists en l’aula da scola chantunala. Grischun Brass

Musica resta vinavant en il center

Questa stad finescha Simon Gabriel la scola da talents a Champfèr e cumenza in giarsunadi en l’Hotel Waldhaus a Segl. El saja fitg grat che ses patrun futur dettia ad el durant l’emprendissadi la pussaivladad dad exercitar vinavant.

Or da l'archiv

Er sin il palc internaziunal è Simon Gabriel ina persuna enconuschenta. Al campiunadi europeic da solo per instruments a brass e percussiun la primavaira passada ha l'Engiadinais fatg il terz plaz.

video
La preschentaziun da Simon Gabriel en il final
Or da Musica dals 04.05.2023.
laschar ir. Durada: 18 minutas 58 Secundas.

RTR actualitad 17:00

Artitgels legids il pli savens