Siglir tar il cuntegn

Header

cuntegn

Cuncurrenza da musica Simon Gabriel è il «campiun da solo grischun»

Simon Gabriel da S-chanf gudogna la concurrenza da musica «Bündner Solo- und Ensemblewettbewerb» (BSEW). Sco ils organisaturs scrivan, han otg ensembles e 29 solistas e solists sa participà cun instruments da sturs, instruments a flad da lain e percussiunists. En pliras categorias èn vegnidas tschertgadas ils megliers musicists.

Ils megliers da las categorias percussiun, aspirants, juniors e creschids han battì en in final per il titel dal campiun da solo grischun. Il cornettist da 14 onns ha persvas la giuria cun ses toc «Fantasia slava». Simon Gabriel ha gia gudagnà mintgamai sia categoria tar mintga ediziun dapi il 2017. Tar la proxima ediziun dal BSEW po el sa participar sco defensur dal titel.

Or da l'archiv:

video
Simon Gabriel - in giuven talent musical da S-chanf
Or da Telesguard dals 22.09.2020.
laschar ir. Durada: 4 minutas 39 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga