Il Grischun n'è betg in tipic chantun da jodladras e jodladers. Ma tuttina datti dapi 50 onns l'uniun da jodladers Grischun. Sper las preschentaziuns dals singuls chors èn era uniuns da tibas e bittabandieras sa mussadas da lur meglra vart.
Questa tradiziun e cultura vegn vivida en tut la Svizra ed ha fitg bunas schanzas.
Saja quai il jodlar, il sunar tiba ed era il bittar bandieras – tut quai aveva ina giada ina funcziun. Da pli baud era quai ina sort communicaziun tranter las alps. Saja quai en furma auditiva u visuala pudevan ins communitgar a l'alp vischina che tut saja en urden.
-
Bild 1 von 11. Tut ils sunatibas sunan ensemen. Bildquelle: RTR.
-
Bild 2 von 11. Ils bittabandieras en acziun. Bildquelle: RTR.
-
Bild 3 von 11. Era la prominenza da la politica è preschenta. Bildquelle: RTR.
-
Bild 4 von 11. Chantar fa vegnir stanchel. Bildquelle: RTR.
-
Bild 5 von 11. Divers chors da chant èn preschents. Bildquelle: RTR.
-
Bild 6 von 11. Ina vasta variaziun da costums a la festa. Bildquelle: RTR.
-
Bild 7 von 11. Er las musicas da la regiun èn stadas preschentas. Bildquelle: RTR.
-
Bild 8 von 11. Tractor oldtimer al cortegi. Bildquelle: RTR.
-
Bild 9 von 11. Tractors vegls sin l'areal da festa. Bildquelle: RTR.
-
Bild 10 von 11. Tut ils chors jodladers chantan ensemen. Bildquelle: RTR.
-
Bild 11 von 11. Grond interess per il 50avel di da jodladers a La Punt Chamues-ch. Bildquelle: RTR.
La situaziun da giuvnas e giuvens jodladers en il Grischun è difficila, conferma il president da l'uniun da jodladers Grischun, Mario Filli.
Uschia ina festa è da gronda impurtanza per sa preschentar e far reclama per questa bella tradiziun.
Il 50avel giubileum a La Punt Chamues-ch ha gì lieu sur dus dis cun diversas preschentaziuns dals chors en baselgia, cun il cortegi tras la vischnanca e bler bel chant e musica fin tard en la notg.
Blera preparaziun
Suenter nov onns èn ils dis da jodlar Grischun turnads en Engiadina. Il chor da jodel engiadinais ha organisà quests dis per la musica a La Punt Chamues-ch. Ils dis da jodel Grischun festiveschan plinavant la 50avla ediziun da giubileum.
In onn e mez è il comité d'organisaziun stà vid planisar. Per la presidenta dal comité, Stefanie Thöny, in temp, nua ch'ella ha emprendì bler.
Jau hai cumenzà da nulla. Uschia ha jau stuì emprender a metter tras mias ideas. La collavuraziun cun mias collegas en il comité ha però funcziunà stupent.
Il program ch'il comité ha organisà per ils radund 700 participants e participantas e per ils visitaders e visitadras cumenza la sonda en damaun cun in act d’avertura da l'uschenumnà «Jodlerdörfli» e cuntinuescha cun las preschentaziuns da chant en las duas baselgias da La Punt Chamues-ch.
Suenter datti in cortegi da las 42 furmaziuns annunziadas, cors, bitta binderas e da las tibas. E lura chantan tut ils preschents e las preschentas tradiziunalmain ina chanzun avant che far festa la saira.
Coro d'uffants aposta per il grond di
Dapi il matg s'inscuntran 19 uffants per exercitar per lur concert al di da jodladers Grischun. Il coro d'uffants è vegnì organisà bel ed aposta per quest di e che uschè blers uffants èn s'annunziads ed han gust vid il jodlar fa plaschair a las manadras, Malina Moos e Maja Buob. L'Engiadin'Ota aveva avant divers onns gia in coro da jodladers d'uffants, uss è quel vegnì reactivà. Planisà saja quest coro però sco project, ch'è atgnamain terminà cun il di da jodladers. Sch'igl existia però il gust ed il plaschair dals uffants sajan las manadras forsa prontas da trair vinavant il coro.